Во својата порака до учесниците на јубилејнoто ходочестие CHARIS (Меѓународна служба за католичка харизматска обнова), папата Фрањо ја нагласува важноста на мирот на Духот како суштински услов за надминување на поделбите, како во семејствата, така и меѓу народите. Покрај тоа, апелира да се избегнува приврзаноста кон поглаварите за да не стане причина за конфликт.
Творци и сведоци на мирот и единството, за Црквата и светот во кој живее новопомиреното човештво – е желбата на папата Фрањо во пораката објавена на 3 април 2025 година, упатена до учесниците на јубилејното ходочестие на CHARIS, Меѓународната служба за католичка харизматска обнова. Иницијативата се одржува во Рим од 4 до 6 април 2025 година на тема „Радосни сведоци на надежта“.
Отворено за општите хоризонти на Црквата
Во пораката, Папата ја споредува мисијата на CHARIS, телото воспоставено од Светиот Престол преку Дикастеријата за мирјани, семејство и живот, со движење својствено на срцето во човечкото тело: длабоко вкоренето во Црквата, но истовремено отворено за нејзините општи хоризонти, преземајќи ги намерите за мир што папата Фрањо ги носи во своето срце.
Светиот Дух, дарот на Воскреснатиот Господ, создава единство, слога, братство. Тоа е Црквата: новопомирено човештво.
„Приврзаноста до поглаварите“ не смее да биде причина за поделба
Светиот Отец ги поттикнува ходочесниците да го пренесат искуството на Јубилејот на светот, сведочејќи со својот живот за вредноста на мирот и надежта.
Духот може да му даде на човечкото срце вистински мир, а тоа е услов за надминување на конфликтите во семејствата, во општеството, во односите меѓу народите.
На крајот папата Фрањо поттикнува на постојана потрага по „заедништво“, во духот на соработката, почнувајќи од групи и заедници кои живеат во секојдневниот живот. И советува да се избегне „приврзаноста кон поглаварите“ да не стане причина за поделби и конфликти. Имајте волја за соработка, особено со парохиските заедници, а Господ ќе ве благослови со многу плодови – пишува на крајот од пораката на Папата.
Ватикан њуз/к.мк
