Ви го пренесуваме размислувањето за Дваесет и шеста недела по Педесетница според Евангелието од Лука 12,16-21 кое е објавено на социјалните мрежи на Радио Марија.
Од светото Евангелие според Лука (12,16-21)
И им кажа парабола и им рече: „На некој богат човек нивата му беше родила многу; и мислеше во себе, велејќи: »Што да правам? Немам во што да ги соберам плодовите свои.« Па рече – вака ќе направам: »ќе ги урнам амбарите свои и ќе соѕидам поголеми, и таму ќе го соберам сето свое жито и сите свои добра, и ќе ѝ речам на душата своја: душо, имаш многу добра, приготвени за многу години; јади, пиј и весели се!«
Но Бог му рече: »Безумниче, ноќеска ќе ти ја побарам душата твоја; тоа, што си го приготвил, кому ќе му остане?« Така бива со оној што собира добра за себе, а не се богати во Бога.”
