Секретарот за односи со државите на Ватикан, надбискупот Пол Ричард Галагер, ја предводеше молитва за мир во Украина и ги повика меѓународните власти да ги надминат непријателствата и да се стремат за мир.
На 26 јануари 2022 година во базиликата Света Марија во Трастевере, недалеку од Ватикан, се одржа молитвено бдение за мир во Украина за да може братството да ги надмине заканите од војна. Бдението го предводеше надбискупот Пол Ричард Галагер.
Нека стивнат ветриштата на војната, повика надбискупот Галагер. Нека бидат зачувани раните на мажите, жените и децата од ужасите на конфликтот, рече тој, изразувајќи ја солидарноста на католичките верници со украинскиот народ кој се соочува со можна војна.
Државниот секретар на Ватикан за односи со државите укажа на нееднаквоста меѓу оние кои се закануваат со војна и оние кои стануваат жртви на неа.
Тоа се болни ситуации кои лишуваат толку многу луѓе дури и од најосновните права, рече тој. Но, уште поскандалозно е, додаде тој, да се види дека оние кои најмногу страдаат од конфликтот не се тие кои одлучуваат дали ќе го започнат или не, туку пред се тие се само беспомошни жртви.
Надбискупот со жалење потсети на болката што ја претрпеле цели народи како резултат на внимателно пресметани акции, кои се спроведуваат систематски, а не поради природни катастрофи или настани кои се надвор од човечката контрола.
Тој потсети дека целото човештво е повикано да го промовира мирот, бидејќи Бог сите нас нѐ направи браќа и сестри во Христа.
Надбискупот Галагер рече дека христијаните мора да ја препознаат нивната поврзаност и со оние кои ја предизвикуваат војната и со оние кои ги сносат нејзините последици. Затоа, мора да ги изведеме сите страни пред Бога Отецот и за сите да го повикаме Господовиот дар за мир.
Додека се молиме за мир, не смееме да останеме пасивни чекајќи лидерите да потпишат договори, рече надбискупот. Да не се ограничуваме само да чекаме да се постигнат и почитуваат договорите, туку да работиме на тоа во нас и во сите срца да се прероди ново човештво. Мирот е заразен, рече надбискупот Галагер, додавајќи дека Светиот Дух нека ги направи сите луѓе да бидат работници за мир, посебно водачите на народите.
Ватикан њуз/к.мк
