По завршувањето на светата Литургија во парохиската црква „Свети Иван Крстител“ во Струмица на 23 февруари 2018 година се молеше Крстен пат за мир во ДР Конго, Јужен Судан и целиот свет.
На 14. постојки од Крстниот пат беа додадени размислувања и молитви за ужасите и жртвите од војните, за отфрлањето на насилството, почитувањето на човечкото достоинство, за упорноста во пронаоѓањето на мирни решенија и промовирање на мирот и дијалогот, како и за денешните „Симон Киренеец, Вероника, Јосиф Ариматејски и Никодим“ кои ги ублажуваат страдањата од војните преку хуманитарната помош, почитувајќи го нивното достоинство.
На пост и молитва за мир во ДР Конго, Јужен Судан и целиот свет повика папата Фрањо за време на молитвата Ангел Господов во недела 4 февруари 2018 година, а по препорака на бискупот Стојанов оваа иницијатива за пост и молитва се спроведе и во католичките цркви во Македонија.
к.мк
