Караванот Католици.мк се претстави пред верниците во Петралинци
Караванот Католици.мк во понеделник 11 април 2016 година го продолжи своето претставување пред верниците на парохијата „Свети Кирил и Методиј“ во Петралинци.
Средбата започна со кратка молитва и поздрав на парохот о. Горге Појразов, а потоа о. Гоце Костов навраќајки се на почетоците на Католици.мк истакна дека интернет страницата е родена токму во таа парохија пред нешто повеќе од три годиниза време на неговото служење во оваа парохија.
Отец д-р Зоран И. Стојанов зборувајќи за Светлина – христијанско списание ја истакна важноста на овие медиуми за Црквата во Македонија, при што нагласи дека сѐ она што се објавува во нив поминува низ три сита: да е добро, корисно и вистинито.
Во продолжение на средбата се зборуваше за „Клубот Пријатели на Католици.мк“, а некои од волонтерите го споделија своето волонтерско искуство во Католици.мк.
к.мк.
