На 27 март 2017 година, папата Фрањо ги прими во аудиенција членовите на Бискупската конференција на Западна Канада, по повод нивната посета „Ад Лимина“.
Бројните се општествените предизвици и пасторални проблеми кои се наоѓаат пред Католичката црква во Канада, во таа земја која, во последните неколку децении, се вброи меѓу оние во кои секуларизацијата е најмногу истакната. Освен тоа, таа е земја која се смета за најнапредна што се однесува до оправдувањето на контроверзните постапки кои поттикнуваат етички прашања, како што се потпомогнато оплодување и сурогат мајчинство, клонирање луѓе, евтаназија и потпомогнато самоубиство и хомосексуалните заедници.
На простор голем како Европа, во поголем дел ненаселен, Канада има 35 милиони жители, со целиот мозаик на народи распоредени на две културни и јазични подрачја, англиско и француско. Повеќе од 40% од населението го сочинуваат крстени католици, една третина протестанти, 2% муслимани, и по 1% Евреи, будисти и хиндуисти.
Затоа е потребно големо заземање на канадските бискупи, и тоа во врска со бројните отворени прашања, за да се внесе евангелската порака повторно во срцето на секој човек, а човечкото битие да се стави во центарот на општетсвото. Упорно е проповедањето на Црквата за мир во светот, за разоружување, одржлив развој и заштита на животната средина, како и за општествената праведност, заштитата на домородните народи, за мигрантите и бегалците, и за сите кои се исклучени од општетсвената благосостојба. (…)
РВ/к.мк
