Генерална аудиенција: Гневот е порок кој има деструктивно влијание врз меѓучовечките односи
Папата Фрањо во катехезата на Генералната аудиенција во среда 31 јануари 2024 година зборуваше за гревот гнев, наведувајќи дека иако гневот е разбирлив во некои случаи, неопходно е да се најде правилен начин да се насочи. Повикани сме активно да бараме мир и помирување, рече Светиот Отец.
Гревот гнев „е посебно мрачен порок“ кој најлесно се препознава од физичка гледна точка, рече Папата. „Човек опседнат со гнев тешко го крие својот излив на гнев: лесно е да се препознае по движењата на телото, по неговата агресивност, по тешкото дишење, по неговиот мрачен и намуртен поглед“.
Во својата најжестока форма, гневот е порок кој не му дава мир на човекот. „Ако тоа е резултат на претрпена неправда (или се смета дека е таква), често се нафрла не на виновникот, туку на првиот човек што ќе наиде. „Има луѓе кои го потиснуваат гневот на работното место, се однесуваат мирно и сталожено, но кога ќе дојдат дома стануваат неподносливи за сопругата и децата“, предупреди Светиот Отец.
Понатаму, тоа е порок кој има погубно влијание врз меѓучовечките односи. Долгорочното незадоволство и презир полека, но сигурно ги уништуваат односите, рече Папата. Свесен за тоа како може да расте гневот, апостол Павле им препорачува на своите христијани спремно да се справат со овој проблем и да се обидат да се помират.
Важно е веднаш да стивне, пред да зајде сонцето. Ако дојде до недоразбирање во текот на денот, а двајца луѓе веќе не можат да се разберат и одеднаш почнат да се гледаат како далечни, ноќта не треба да му се препушта на ѓаволот. Порокот ќе не држи будни во мракот, ќе ни го трупа мозокот за нашите причини и непростливи грешки кои се за секаква осуда, а кои никогаш не се наши, туку секогаш на другиот.
Папата потсети и на Господовата молитва, која повикува на молитва за нашите човечки односи и простување. „Сите ние сме грешници и сме оптоварени со „долг“ и затоа треба да научиме да простуваме. Луѓето не можат да бидат заедно освен ако не ја практикуваат и уметноста на простување, колку што е човечки возможно. А спротивно на гневот е милосрдието, широкоумноста, благоста, трпението“, нагласи Светиот Отец и додаде: Гневот често е извор на војни и насилство.
Но, не е сè погрешно што произлегува од лутењето. Ние не сме одговорни за гневот во неговиот корен, туку секогаш во неговиот развој, истакна Светиот Отец. Зборувајќи за поимот „свет гнев“, Папата рече: „Ако човек никогаш не се налутил, ако никогаш не се налутил поради извршената неправда, ако гледа со мирна душа како се угнетуват слабите, тогаш ова би значи дека тој не е човек, а уште помалку христијанин“. Самиот Исус го почувствувал овој „свет гнев“ – никогаш не возвраќал на злото со зло, но тоа чувствувал го имал во својата душа и, во случајот со трговците во Храмот, реагира бурно и пророчки, поттикнат не од гнев, туку од ревност за Господовиот дом.
Папата Фрањо ја заврши катехезата со тоа што ги повика верниците да побараат помош од Светиот Дух за правилно управување со своите страсти, за да ги претворат во орудие за добро.
На крајот од Генералната аудиенција, Римскиот бискуп повика на молитва за цивилните жртви од војните што моментално се водат во светот.
Во молитва да ги спомнеме не само загинатите во двата светски конфликти, туку и бројните – многубројните – беспомошни жртви на војни кои за жал сè уште предизвикуваат крвопролевање на нашата планета, како што се случува на Блискиот Исток и во Украина. Нивниот крик на болка нека ги допре срцата на водачите на народите и нека поттикне планови за мир!
Ватикан њуз/к.мк
