Американски кошаркари го информираа Папата за нивната борба против расизмот

Американски кошаркари го информираа Папата за нивната борба против расизмот

Папата Фрањо на 23 ноември во Ватикан прими делегација американски кошаркари, претставници на Националната асоцијација на кошаркари (НБПА).

Во приватната аудиенција, петмина кошаркари го информираа Папата за социјалната и општествената посветеност на спортистите, меѓу другото и за борбата против полициското насилство мотивирано од расизам во САД. Средбата е организирана по барање на играчите.

Папата сакаше да дознае повеќе за движењето „Black Lives Matter“, кое НБА-играчите го поддржаа на крајот на сезоната во Орландо, каде на нивните дресови имаа напишано пораки за социјална правда наместо нивните имиња, а ваквите активности се планираат и за во иднина.

На Папата му донираа книга со извештаи и фотографии од нивниот социјален ангажман, како и топка и дресови. Во делегацијата беа професионалните кошаркари Џонатан Исак и Марко Белинели (Сан Антонио Спарс), Стерлинг Браун (Хјустон Рокетс), Кајл Корвер (Милвоки Бакс) и поранешниот играч Ентони Толивер (Мемфис Гризлис), како и менаџерката на НБПА, Микела Робертс и уште двајца членови од управата.

Ватикан њуз/к.мк

Категорија: Ватикан, Вести

За авторот