Азиските весници за посетата на Папата во Кореја
Патувањето на папата Фрањо во Азија наиде на голем одек во верскиот и световниот печат на запад, но и во медиумите на азиските земји. Папата Фрањо ги освои и медиумите на азиските земји. Додека корејскиот печат триумфално известуваше за посетата на Папата, медиумите во Лаос целосно ја премолчаа. Медиумите на останатите соседни земји главно опширно известуваа интерпретирајќи ги на разни начини говорите и потфатите на Папата.
Корејскиот печат секако секој ден на првите страници ги даваше деталите за програмата така што некои корејски интелектуалции зборуваа дури и за „Фрањов синдром“. Треба да се напомена дека христијаните во таа земја се малцинство. Кореан Хералд се изразуваше со благодарност за Папата, нарекувајќи го „водач кој зборува со примерот“, додека Кореан Тимес како и бројни други весници сметаат дека ова е историска посета, триумфално опишувајќи ги деталите, истакнувајќи ги посебно длабоките знаци за помирување со Северна Кореја.
Сеулскиот весник давајќи го билансот за посетата на Папата употребуваше четири клучни зборови: млади, маченици, утеха и Азија. За секоја од тие реалности БергоСветиот Отец остави порака или гест кои длабоко се втиснати во срцето на корејскиот народ. Тоа ќе биде поддршката на христијанската вера на Истокот, истакнува весникот.
Саут Чајна Морниг Пост престижен весник на англиски јазик кој излегува во Хонг Конг ја следеше посетата на Папата во Кореја со бројни статии и фотографии, истакнувајќи ја масата на луѓе кои учествуваат на литургиите и средбите со папата Фрањо. Посебен коментар е посветен на пораката која што Светиот Отец ја упати на Кина. Истовремено забележувајќи дека кинеската влада не дозволила да патуваат половина млади кои сакале да учествуваат на Шестиот Ден на младите во Азија. Дозвола барале стотина. Наведени се бирократски компликации. Останатите важни кинески весници информацијата за посетата на Папата на Кореја ја сведоа на минимум. Чајна Дејли објави само вест за завршувањето на посетата на Папата.
Стрејтс Тимес од Сингапур весник кој на некој начин ги монополизира информациите на земјите кои имаат пристап до Јужно-Кинеското море, истакнува дека важна карактеристика на посетата на Папата на Кореја е чувството за дијалог, вредноста која што азиските народи од сите вероисповеди општо ја прифаќаат и ја ценат. Според пишувањето во тој сингапурски весник, поттикот на Папата на дијалог се однесува посебно на Кина и Северна Кореја, но и на сите останати земји на источна Азија во кои владее напнатост и конфликти. Весникот посебно го истакнува креативниот пристап на Фрањо со сите тие ситуации, покажувајќи зборови и дела за да може да биде препознатлив знак за католиците на големиот Азиски континент.
Најчитаниот весник на Филипинските острови Инквирер го истакнува повикот на Папата за мир. Обраќајќи се на земјите со католичко мнозинство кои што Папата наскоро ќе ги посети, весникот напоменува како Папата ја нарече корејската Црква модел на католичка заедница во Азија, заради нејзината сила, динамичност и лаичкото заземање, жртвата на мачениците и евангелизацискиот ентузијазам.
И во главниот индонезиски весник Џакарта Пост, посетата на Папата е следена со бројни извештаи и коментари. На муслиманското население во Индонезија најдлабоки траги им оставила темата за дијалог и мир, но се истакнува и дека папата Фрањо во текот на својот престој во Кореја посебно внимание посветил на немоќните, инвалидите и напуштените и се нарекува „Папа на немоќните.“
Џапан Пост, јапонски весник на англиски јазик опширно го изнесува билансот за посетата на Папата на Кореја и пишува дека Папата отишол на Исток претежно заради евангелизација, мисионарење. Малку повнимателен беше индискиот печат бидејќи Папата во јануари ќе ја посети Шри Ланка. Хидустан Тајм со националистички тенденции опширно се осврна на пораката на Папата за комунистичките земји да не се плашат од христијанството. Тоа до некаде се однесуваше и на индиската ситуација, бидејќи некои хиндуистички радикални движења сметаат дека таканаречениот христијански прозелитизам го загрозува индискиот идентитет.
Ика/Д.И.
