Штанд на волонтерите на „Католици.мк“ и Светлина
На 7 јули 2016 година, на празникот Раѓање на Свети Иван Крстител, во црквовниот двор на парохијата „Свети Иван Крстител“ – Струмица, волонтерите на Католици.мк и Светлина поставија штанд со цел да ги запознаат присутните верници со активностите и работата на веб страницата „Католици.мк“ и христијанското списание „Светлина“.
Преку овој штанд верниците имаа можност да остварат поблиска средба со волонтерите, добивајќи од присутните подршка, предлози и идеи со цел да се подобри квалитетот и содржината на страница.
Волонтерите на „Католици.мк“ формираа и клуб на пријатели, преку кој ќе се помага и подржува работата на страницата. Волонтерите истакнуваат дека најголема помош за нив е молитвената подршка, а секако и посетеност и читаноста, кои се поттик за понатамошно волонтерско ангажирање.
Волонтерите на Католици.мк и Светлина прв пат организираат штанд за промоција на страницата со планови ваквите активности да продолжат и понатаму и со нивната присутност да сведочат за нивното заедништво со Црквата.
к.мк/З.А.
