Честитки до Католици.мк по повод годишнината упати парохијата Свети Пророк Илија – Радово

Драги оче Гоце,

Вам, на вашите соработници на сите верници од Католичката Црква во Македонија и на сите читатели на страницата Католици.мк, од срце ја честитаме годишницата од основањето и заживувањето на веб страната. Католици.мк вистински нѝ значи запознавање со потребните информации, верските вистини но и духовна храна преку пренесувањето на духовните размислувања од наговорите и словото на Папата, Владиката или други верски размислувања.

Ние од парохијата „Свети Пророк Илија“, од Радово, сме горди што како парохија, сме во основачите на оваа веб страна, која ја водите вие со соработниците, а сите работите доброволно (волонтерски) без никаков материјален надоместок.

Воедно, како парох во Радово, сакам да ве уверам во нашите молитви и соработка и понатаму, за Бог кој се гледа да ве награди за секој труд жртвуван за доброто на сите.

Зашто, работата на страната Католици.мк ја гледаме како вистински пример на исполнување на Светото Писмо: „Без вера не е можно да Му се угоди, зашто кој Му пристапува на Бога треба да верува дека има Бог и дека ги наградува оние кои Го бараат (Евр.11,6).

Д-р Зоран И. Стојанов