На 22 јануари 2019 година во Панама започна 15 меѓународен Светски ден на млади, а Catholic News Agency наведе 5 работи кои треба да ги знаете за ова средба на млади католици.
- Бројот на поклониците
Според податоците од Ватикан за средбата се пријавиле 150.000 млади од вкупно 155 земји. Односно помал број ходочасници отколку на претходните средби, но причината е што Светскиот ден на млади се одржува за време на учебната година. Од надбискупијата во Панама порачаа дека очекуваат сепак поголем број ходочасници и предвидуваат дека на завршното евхаристиско славење ќе се соберат најмалку половина милион луѓе.
- Панама
Станува збор за мала држава во Средна Америка која има околу 4 милиони жители од кои 85% католици. Поголем дел од настаните за Светскиот ден на млади ќе се одржат на полустровот Кампо Санта Марија ла Антигва. Ходочасниците се поттикнуваат да ја видат убавината на Панама Сити и црквите кои се наоѓаат во него. Градот со 1,5 милион жители се наоѓа на Панамскиот канал, на вештачкиот воден премин конструиран во 1914 година кои ги спојува Атланскиот и Тихиот океан.
- Настани на Светскиот ден на млади
Овогодинешниот Светски ден на млади ќе биде одржан во знак на темата за прифаќање на Божјата волја и цитатот на Марија од Евангелието според Лука: „Еве ја слугинката Господова; нека ми биде според зборовите твои!“ Покрај евхаристиските славење, настаните вклучуваат серија предавања, конференции и концерти кои ќе бидат на таа тема.
- Латиноамериканска духовност
Органзаторите планираат Светскиот ден на млади да го посветат и на истакнувањето на католичката духовност и на светците од тој дел на светот. Така ликот на свети Оскар Ромеро епископ на Салвадор кој беше канонизиран минатата година ќе биде еден од „заштитните знаци на средбата.“
- Папа Фрањо
Папата пристигнува во Панама на 23 јануари, следниот ден ќе се сретне со претседателот на Панама Хуан Родриез, а потоа и со епископите од средноамериканските држави. Во Панама останува до 27 јануари кога ќе слави света Литургија со која ќе заврши Светскиот ден на млади.
Битно.нет/к.мк
