Во саботата, 17 декември 2022 година, на својот 86-ти роденден, папата Фрањо прими делегација на наградата Мајка Тереза, „храбра жена која помина низ вистински духовни бури со темнина внатре“, која продолжува да се моли
Наследството на Мајка Тереза секогаш дава „порака за сиромаштво, порака за близина, порака за братство, порака за молитва“. Со овие зборови папата Фрањо ја поздрави делегацијата на наградата Мајка Тереза, „храбра“ жена која „поминала низ вистински духовни бури со темнина внатре, но продолжувајќи да се моли“, рече Папата.
Мајка Тереза од небото нека ви помогне да го живеете сиромаштвото со едноставност и молитва. Така можеме да им помогнеме на другите, а тоа не е едноставно добродетелство; тоа е добра работа, добротворството е добра работа, но паганска. Христијанинот е близина, милосрдие и молитва.
Светиот Отец на својот 86-ти роденден одлучи да им подари знак на благодарност на тројца луѓе кои го живеат и продолжуваат да покажуваат милосрдие кон најсиромашните. Добитници на наградата се фрањевецот Хана Жалуф, кој се залага за сиромашните во Сирија, во време на континуирана и разорна војна, Џан Пјеро, познат како Вуе, бездомник кој секој ден одвојува дел од собраните милостиња за помош на посиромашните од него и Силвано Педроло, индустријалец од Верона, кој значителен дел од заработката на својата компанија го посветува на помагање и спасување на најсиромашните во различни земји во Африка, Индија и Латинска Америка, градејќи училишта, бунари и здравствени установи.
Римскиот бискуп ја врачи наградата во присуство на дваесетина сестри и дваесет лица кои се згрижени од Мисионерките на љубовта во нивните преноќишта. Станува збор за мала статуа на Мајка Тереза во знак на благодарност до оние кои се грижат за најмалите.
Ватикан њуз/к.мк
