Претседателот на Советот на епископските конференции на Европската унија (COMECE), бискупот од Латина, во интервју за ватиканските медиуми зборуваше за аудиенцијата кај Папата и се осврна на ситуацијата во Европа. По изборите, Европската унија е послаба, иако политичката рамка не е значително променета. Потребен е континуитет за новото раководство, но и нова политичка иницијатива, особено за мировните иницијативи
Слаба, но сè понеопходна е Европската унија, ова произлезе од разговорот за време на аудиенцијата на која папата Фрањо, во сабота 22 јуни 2024 година, прими осум членови на Претседателството на Советот на бискупските конференции на Европската унија (COMECE). Состанокот се одржа неколку дена по европските избори, чиј резултат беше една од темите на разговор, заедно со мирот и трговијата со оружје. Ова го изјави во интервју за Радио Ватикан – Ватикан Њуз монсињор Маријано Крочијата, претседател на Советот на бискупски конференции на Европската унија и бискуп на Латина-Терацина-Сеце-Приверне,.
Папата: На светот му е потребна Европа
Папата гледа на ситуацијата со голем реализам, во смисла дека и по овие избори гледа слаба Европа, но неопходна, бидејќи, како што напиша во други прилики, културното, човечкото, техничкото и историското наследство која го има зад себе ја прави единствена во контекст на човештвото. На светот му е потребна Европа, напиша тој. Затоа е жално да се забележи оваа слабост, која изборите на некој начин ја потврдија, па дури и ја зголемија, иако политичката рамка не е нарушена. Затоа, тоа е повик за работа, рече бискупот и додаде: Папата и од нас очекува да се вклучиме во нашата област на надлежност.
Способност да се влијае на одлуките
На забелешката на новинарот дека голем број граѓани се воздржаа од гласање и на прашањето дали граѓаните доволно знаат што прави Европската Унија, монс. Крочијата рече дека е факт како јавното мислење генерално не се чувствува претставено и разбрано од Европската унија, затоа што постои перцепција дека таа е анонимна и далечна сила која одлучува за народите и луѓето и не помага во решавањето на конкретните проблеми со кои секој од нас се среќава.
Неопходно е да се почне да се интересира и да не се размислува за нешто за што се зборува и дискутира на национално ниво, туку на европско ниво. Тоа веќе би било начин да се влезе во поинаков вид на односи со Европската унија, бидејќи она што најчесто се мисли во јавното мислење е така оддалечено од бројните фактори на локалната политика или комуникација, која не секогаш е успешна е дека на крајот не вреди да се гласа и дека таму ништо не може да се направи. Напротив, потребно е луѓето да разберат дека е можно да се влијае – истакна монс. Крочијата.
Мигранти – потребно е чувство за човечност
Во однос на мигрантите, бискупот со жалење рече дека мислиме дека мигрантот во крајна линија не е човечко суштество како нас, достоен за внимание и грижа кога е болен. Мигрантите ги користиме како предмети, односно за нас тие се работи што служат за одредена цел, не се луѓе со кои треба да се однесуваме со почит и да се грижиме за нив. За мене ова е генерално знак на тревога на ниво на човечка чувствителност и колективно морално чувство – предупреди бискупот, додавајќи дека во оваа смисла е потребно воспитно, граѓанско и човечко чувство кое мора да се негува и зајакнува.
Право на живот, вештачка интелигенција, мир
Претседателот на Советот на бискупски конференции на Европската унија се осврна и на други актуелни прашања како што се правото на живот, вештачката интелигенција и мирот. Во однос на вештачката интелигенција, бискупот истакна дека Европската унија има развиено еден од најдеталните и најсовремени документи, па од таа гледна точка има многу развиено, многу напредно внимава. Поинаку е прашањето кога зборуваме за мир – истакна тој – се чини дека Европската унија не е во состојба да изрази иницијатива што би можела да биде забележана и да влијае на односот со другите меѓународни субјекти во глобалниот геополитички контекст. Затоа, ова е уште една работа што треба да се забележи и која точно покажува колку е клучна политичката сила што произлегува од единството или зближувањето на политичките сили што и е потребно на Европската унија за созревање и изразување.
Животот – прва вредност
Прашањето за абортусот и прашањето за животот, семејството, па дури и демографијата е сосема друг проблем. Ова е идеолошки тип на дејствување, бидејќи инсистирањето – иако надлежноста на Унијата за ова не е директна, туку инсистирањето на значајни и бројни политички сили – да се обиде да го вклучи абортусот во Повелбата за правата на Европската унија е навистина нешто што вчудовидува. Зошто? Како убивањето на животот може да се смета за вредност, примарна вредност, речиси апсолутна вредност, толку многу што се брои како основно право.
Главните грижи изгледа дека се против животот, а не за животот. Ова поттикнува на темелно размислување. Сметам дека треба да се најде начин и место мирно да се размислува за овие работи, бидејќи се добива впечаток дека веднаш се зборува за права, а тешко на оние што ги доведуваат во прашање. Но, животот е вредност. Не оди против никого, тој е првата вредност. Ако таа вредност се отстрани, сè друго повеќе не вреди ништо, или може да изгуби секакво значење, освен во согласност со модата, хоровите или интересите на моментот што може да преовладуваат во општеството. Ова е нешто за размислување; Не осудувам никого, но тоа е повик за внимателно размислување – истакна бискупот Крочијата.
Ватикан нуз/к.мк
