Папата Лав XIV во понеделникот наутро, 20 јули 2026 година, беше во приватна посета на опатијата Монтекасино и на нејзината монашка заедница.
Според соопштението на Канцеларијата за печат на Светиот Престол, Папата се задржал во молитва на гробот на Свети Бенедикт, доверувајќи му ја својата молба за мир во регионите на светот обележани со крвопролевање и конфликти.
По молитвата, Папата ручал со монашката заедница, а потоа се вратил во Кастел Гандолфо, каде што го поминува летниот одмор до 27 јули.
Монтекасино се наоѓа на околу два часа возење од Рим и има особено значење за Католичката црква. Манастирот бил основан во 529 година од Свети Бенедикт и се смета за прв манастир на бенедиктинскиот ред.
Посетата на Папата Лав XIV доаѓа во време кога Црквата постојано повикува на молитва, дијалог и прекин на насилството во деловите од светот погодени од војни и тешки конфликти.
Ватикан њуз/к.мк
