Папата Фрањо повтори колку е важно да се има слобода да се остане или да се напушти својата земја, како и важноста на пречекот во земјата во која се одлучува да се оди.
По молитвата Ангел Господов, на 24 септември, папата Фрањо го истакна Светскиот ден на мигрантите и бегалците, повторувајќи ја пораката за фундаменталното значење на правото на избор дали сакаме да се иселиме или да останете во својата татковина.
Темата на овогодинешната прослава „Слободен избор дали да се мигрира или да се остане“ ја нагласува важноста миграцијата да биде доброволен и достоинствен избор, а не очајна потреба.
Папата Фрањо истакна дека правото на емигрирање стана неопходност за многу луѓе денес, додека треба да постои правото луѓето да не мигрираат, да останат таму каде што се. Неопходно е на секој маж и на секоја жена да им се гарантира можноста за достоинствен живот во општеството во кое живеат. За жал, продолжи Римскиот бискуп, сиромаштијата, војните и климатската криза принудуваат многу луѓе да бегаат. Затоа сите сме повикани да создадеме заедници подготвени и отворени да ги прифатат, промовираат, следат и интегрираат оние што ни тропаат на вратите, повика Светиот Отец.
Светиот Отец истакна дека овој апел одекнува од средбата „Rencontres Méditerranéeennes“ („Медитерански средби“) одржани во Марсеј. Папата присуствуваше на последното заседавање на средбата за време на 44-то меѓународно апостолско патување во јужниот француски град од 22 до 23 септември. Папата го опиша Марсеј како град раскрсницата на народите и културите.
Ја повторувам поканата за учество на екуменското молитвено бдение „Together -Заедно“, кое ќе се одржи следната сабота, 30 септември, на плоштадот Св. Петар, како подготовка за Синодското собрание кое ќе започне на 4 октомври годинава.
Да се потсетиме на напатената Украина и да се молиме за тој народ кој толку многу страда, рече на крајот папата Фрањо.
Почит на почесниот претседател Џорџо Наполитано
Денеска, по молитвата Ангел Господов – како што е наведено од прес-службата на Светиот Престол – Светиот Отец отиде да му оддаде почит на почесниот претседател Џорџи Наполитано, кој почина на 22 септември, со цел да ја изрази својата лична наклонетост кон него и неговото семејство со неговото присуство и молитва. Во телеграмата со сочувство, Папата го опиша како „слуга на татковината“, потсетувајќи на неговите големи интелектуални квалитети и искрената страст за италијанскиот политички живот.
Ватикан њуз/к.мк
