Велигден во Нова Маала и Чанаклија
Радосната вест за Христовото Воскресение се прослави со света Литургија во парохијата Успение на Пресвета Богородица, Нова Маала и во филијалата Свети Великомаченик Георги во Чанаклија.
На Воскресната литугија присуствуваа мноштво на верници предводени од парохот о. Спасо Ристов и капеланот о. Ванчо Назов, а на литургијата во Нова Маала сослужува и о. Тони Ангелов, парох во Штип.
За време на проповедта парохот о. Спасо Ристов посебен акцент стави на борбата што секој христијанин ја има со горделивоста и љубомората за тоа што и нашиот ближен, кој и да е, каков и да е, денес е спасен благодарение на Воскресението на нашиот Господ Исус Христос. Таа борба со љубомората благодарение на љубовта која ни ја покажа Исус можеме да ја победиме и да се радуваме во вечноста, почнувајќи од денес.
На крајот на светите литургии во Нова Маала и Чанаклија беше благословена храната и велигденските јајца кои верниците ги беа принесле за благослов, а потоа слуваше и и честитање меѓу верниците.
к.мк/В.Н.
