Божјата љубов ја поправа нашата грешна историја

Божјата љубов ги поправа нашите грешки, нашата грешна историја, бидејќи Господ никогаш не нè напушта, ниту тогаш кога не ја сфаќаме Неговата љубов – рече Светиот Отец во проповедта на 13 јануари на светата Литургија во домот Света Марта.

Исус ги повикува Петар, Андреј, Јаков и Иван: рибареа, меѓутоа веднаш ги оставија мрежите и Го следеа. Коментирајќи го денешното евангелие, Папата истакна како Господ сака да ги подготви своите ученици за нивното ново послание. Божја особина е да Ги подготвува патиштата… да подготвува нов живот, за секој од нас. Тој нас нè прави христијани преку спонтаното раѓање: Тој подготвува! Отсекогаш Го подготвува нашиот пат, нашиот живот – рече Папата.

Изгледа дека Симон, Андреј, Јаков и Иван тука се конечно избрани, така беа избрани. Меѓутоа тогаш не беа конечни верници. Грешеа после изборот, на Господ му изнесува нехристијански предлози: го затаија Господ! Петар тоа го направи изрично, а другите од страв: се престрашија и Го напуштија. Господ подготвува, а потоа, после Воскресесението, мораше да продолжи со подготовката сѐ до Духовден. Но и после Духовден некои од нив грешеа – Петар, на пример, погреши, а Павле мораше да го поправа. Меѓутоа Господ подготвува – повтори папата Фрањо.

Господ така нè подготвува од поколение во поколение. А кога работите не одат добро, Тој се вмешува во историјата, ја средува состојбата и оди со нас. Да се осврнеме на Исусовата генеалогија: овој го роди овој, а тој го роди оној, тој пак друг… Во тој попис на историја се наоѓаат грешници и грешнички. А како тоа Господ го направи? Се вмеша, го исправи патот, ги среди работите. Да помислиме на големиот Давид, голем грешник, а потоа голем светец. Господ знае! Кога Господ ни вели дека нè љуби со вечна љубов, тогаш мисли на тоа. Господ отсекогаш мисли на нас, на секој поединец – објасни Светиот Отец.

Со задоволство размислувам за тоа како Господ се чувствува како брачен пар кој очекува дете. Секогаш нè чека во нашиот живот и нè прати низ историјата. Тоа е вечната Божја љубов: вечна, стварна и делотворна, бидејќи Тој ја создава историјата и за секого подготвува пат. Тоа е љубовта на Бог, Кој отсекогаш нè љуби и никогаш не нè остава. Да Го молиме Господ да ја запознаеме нежноста на Неговото срце. Тоа е чин на верата и не е лесно во тоа да се верува – истакна Папата додавајќи:

Бидејќи нашиот рационализам ни вели: како тоа Господ од толку личности мисли токму на мене?! За мене подготви пат?! Преку нашите мајки, баби, татковци, дедовци и прадедовци… така прави Господ. И тоа е Неговата љубов: стварна, вечна и делотворна. Да молиме за милост да ја сфатиме Божјата љубов. Никогаш не се сфаќа потполно. Ја чувствуваме, плачеме поради тоа, меѓутоа во овој живот не може да се сфати. А тоа ни говори колкава е Неговата љубов. Господ отсекогаш нè подготвува, оди со нас, подготвувајќи ги другите. Секога е со нас. Да молиме за милост за разбирање на таа голема љубов – поттикна на крајот папата Фрањо.

РВ/С.С.