Бискупот Стојанов посветувањето ќе го изврши од базиликата Свети Петар во Рим во заедништво со папата Фрањо
Скопскиот бискуп и Струмичко – скопски епарх монс. Киро Стојанов се придружува на повикот на папата Фрањо, на молитвата за посветување на човештвото, посебно Русија и Украина и ги повикува парохиите, монашките заедници, црковни движења и целиот Божји народ во Македонија, на 25 март 2022 година, по можност во 18,30 часот, да земат молитвено учество во свечениот чин на посветување на човештвото на Безгрешното Срце на Марија, посебно Русија и Украина.
Преку Божјата милост бискупот Стојанов посветувањето ќе го изврши од базиликата Свети Петар во Рим, на свечената покорничка богослужба, која ќе ја предводи папата Фрањо.
Имено во писмо упатено до сите бискупи во светот, а објавено на 23 март 2022 година од Канцеларијата за печат на Светиот Престол, Светиот Отец, папата Фрањо ги покани да му се придружат на свечениот чин на посветување на човештвото, посебно Русија и Украина, на Безгрешното Срце на Марија.
к.мк
