Телеграма со сочувство на Папата за смртта на претседателот на Обединетите Арапски Емирати
Во телеграма со сочувство за смртта на шеикот Калифа Бин Зајед Ал Нахјан, кој почина на 13 мај, папата Фрањо потсетува на неговата посветеност на единството и солидарноста на човечкото семејство, вредностите што го вдахновија Документот за човечко братство потпишан во Абу Даби.
Тажен поради веста за смртта на Неговото Височество Шеик Калифа бин Зајед Ал Нахјан, претседател на Обединетите Арапски Емирати и владетел на Абу Даби, Светиот Отец испрати телеграма со сочувство до неговиот наследник шеикот Мохамед бин Зајед Ал Нахјан. Тој им се придружува, како што вели, на народот на Обединетите Арапски Емирати во оплакувањето на неговата смрт и оддавањето почит на неговото истакнато и далекувидно лидерство во служба на народот.
Папата истакнува посебна благодарност за грижата искажана од Неговото Височество кон Светиот Престол и католичките заедници во Емиратите, како и за неговата посветеност на вредностите на дијалогот, разбирањето и солидарноста меѓу луѓето и верските традиции, свечено прогласени во Абу Даби и воспоставување на наградата Зајед за човечко братство.
Папата се надева дека неговото наследство ќе продолжи да ги поттикнува напорите на мажите и жените со добра волја ширум светот да истраат во ткаењето врски на единство и мир меѓу членовите на нашето единствено човечко семејство.
Доверувајќи го Неговото Височество – продолжува текстот – на вечната милост на Севишниот Бог, папата Фрањо му ги ветува и на примателот на телеграмата – шеикот Мохамед бин Зајед Ал Нахјан – неговите молитви додека ја презема одговорноста за неговата возвишена служба. Вам, членовите на вашето семејство, а особено на саканите луѓе на Обединетите Арапски Емирати, срдечно се повикувам на изобилство божествени благослови, стои на крајот од телеграмата.
Ватикан њуз/к.мк
