Во текот на денешниот ден, терапијата со висок проток на кислород била наизменична со венти маска. Потребни се дополнителни денови на клиничка стабилност за да се разреши неизвесноста. Утрото Папата го помина помеѓу респираторна физикална терапија и одмор, а попладнето во молитва во капелата на неговиот приватен апартман и работни активности.
„И денес се потврдува дека клиничката состојба на Светиот Отец се подобрува. Денеска тој наизменично ја менуваше високопроточната кислородна терапија со венти маска. Со оглед на сложеноста на клиничката слика потребни се дополнителни денови на клиничка стабилност за да се разреши неизвесноста.
Светиот Отец утрото го посвети на респираторна физикална терапија, менувајќи ја со одмор, додека попладнето, по уште една физикална терапија, беше на молитва во капелата на приватниот апартман на 10-ти кат и се причести. Потоа се посвети на работните активности.
Канцеларијата за печат на Светиот Престол вечерва, 27 февруари, извести за здравствената состојба на папата, кој дванаесет дена е хоспитализиран во поликлиниката „Гемели“.
Ватикан њуз/к.мк
