Папата Фрањо во својот говор до учесниците на конференцијата на Дикастеријата за прогласување на светци на тема „Нема поголема љубов од оваа. Мачеништвото и дарот на животот“, папата Фрањо во оние кои го даваат својот живот за верата ги препознава карактеристиките на совршениот ученик способен да промовира „почовечки начин на живот“ во земното општество.
Во булата со која го најавува следниот јубилеј, сведоштвото на мачениците го опишав како најубедливо сведоштво на надежта.
Во својот говор пред учесниците на средбата на Дикастеријата за прогласување на светците на тема „Нема поголема љубов од оваа. Мачеништво и дарот на животот“, кој заврши во четврток 14 ноември, папата Фрањо – преземајќи ја мислата водилка за тој настан – го истакна карактерот на оние кои имаа храброст да го дадат живот за своите пријатели.
Карактеристиките на маченикот се карактеристики на „совршен ученик“, Христов следбеник во одрекувањето од себе и во прифаќање на сопствениот крст за да даде извонредно сведоштво за неговата спасителна сила и неизмерен дар.
Љубовта која доаѓа од Крстот
Само љубовта може да го објасни крстот – рече папата Фрањо. Чувство толку големо што го зема на себе секој грев, простувајќи го, влегувајќи во нашето страдање и ни дава сила да го поднесеме. На ист начин и оваа љубов влегува во смртта, за да ја победи и да не спаси.
Во крстот Христов е целата љубов Божја, тука е неговото неизмерно милосрдие.
Да дозволиме да не преобрази
Човечкиот напор или личната определба за жртвување и откажување не се единствените услови за светост. Првиот чекор што го истакна Папата е да дозволиме да бидеме преобразени со силата на Божјата љубов, која е поголема од нас и нè прави способни да сакаме повеќе отколку што мислевме дека сме способни. Во исто време, Светиот Отец го цитираше Вториот ватикански собор, кој во догматската конституција Lumen Gentium зборува за универзалниот повик за светост како полнота на христијанскиот живот и совршенство на љубовта која може во самото земно општество да промовира почовечки начин на живот.
Работа за прогласување на светци
Токму оваа перспектива ја осветлува и работата за прогласување на светци, која Папата ја нарекува скапоцена служба искажана на Црквата за никогаш да не ослабне знакот на живата и секогаш присутна светост. Светиот Отец потоа прецизираше дека не се потребни чуда за да се прогласи блажен, мачеништвото е доволно.
Мачеништво во античко време
Жртвувањето на сопствениот живот во име на верата е чин кој бил многу почитуван уште во античко време. Гробовите на оние кои лично со своите животи ја платија љубовта кон Христос и Црквата – потсети папата Фрањо – станаа места за богослужба и молитва. Верниците се собираа за да ги зацврстат врските на братството, кое во воскреснатиот Христос ги надминува границите на смртта, колку и да е сурова и болна. Истовремено го спомна и мачеништвото на оние православни Либијци кои умреле повикувајќи го Исуса. Некој може да рече: „Но оче, тие беа православни!’ – додаде Папата и истакна: Беа христијани. Тие се маченици и Црквата ги почитува како свои маченици. Во мачништвото постои еднаквост. Истото се случува во Уганда со англиканските маченици. Тие се маченици! А Црквата ги прифаќа како маченици.
Основни елементи на мачеништвото
Осврнувајќи се потоа на трите основни елементи на мачеништвото, папата Фрањо пред се рече дека станува збор за луѓе кои ги даваат своите животи не откажувајќи се од својата вера – дури и некрстен христијанин, кој во душата е христијанин – свесно страдајќи со насилни и прерана смрт. Тоа го спроведува прогонител, мотивиран од омраза против верата или други крепости поврзани со неа. Третиот елемент е неочекуваниот став кој го зазема жртвата, став на милосрдие, трпение и кроткост, по примерот на распнатиот Исус.
Она што се менува, во различни времиња, не е концептот на мачеништво, туку конкретните начини на кои тоа се случува во одреден историски контекст.
Збир на факти и докази
Во денешниот контекст, сè уште има многу маченици, прогонети затоа што, поттикнати од верата во Бога, ја штитат правдата, вистината, мирот и достоинството на луѓето. Она што им дава морална сигурност на оние кои проучуваат различни примери на мачеништво не е, како што велеше Пио XII, количината на факти и докази во нивната посебност, туку сето тие заедно.
Нова комисија која ја посакуваше Папата
Со оглед на наредниот јубилеј, чија главна тема ќе биде надежта, папата Фрањо го спомена формирањето, во рамките на Дикастеријата за прогласување на светци, на Комисијата за новомачениците – Сведоци на верата. Нејзината задача ќе биде да го зачува споменот на оние кои, исто така, меѓу другите христијански вероисповеди, се откажале од своите животи за да не го изневерат Господ.
Има многу, многу маченици од другите вероисповеди.
Нов пат до светоста
Папата потсети и на мото проприото „Maiorem hac dilectionem“ кое го потпиша, што е израз на општото чувство на верниот Божји народ за сведочењето за светоста на мачениците. Тоа е нов пат за постапките за беатификација и канонизација, со кој се утврдува потребата од врска помеѓу дарот на живот и прераната смрт, потоа дека слугата Божји барем редовно ги практикувал христијанските крепости и дека пред сè, по неговата смрт, бил опкружен со глас и знаци на светост.
Дарот на животот
Дарот на животот, во кој нема прогонувачи, а одбележан со надворешна состојба, објективно проценлива, во која Христовиот ученик слободно се поставил и која води во смрт. Според Папата, ова сведоштво е подеднакво способно да блесне за убавината на христијанскиот живот.
Ватикан њуз/к.мк
