Папата Фрањо истакна дека имаме одговорност пред Бога да го заштитиме нашиот заеднички дом, кој е под постојан напад од погубните последици од климатските промени, што бара конкретен одговор од сите, обраќајќи им се на организаторите и учесниците на фестивалот Green&Blue. што се совпаѓа со Светскиот ден на животната средина
Катастрофалните последици од климатските промени нѐ прават одговорни пред Бога. Ова го истакна папата Фрањо во понеделник, 5 јуни 2023 година, примајќи ги во аудиенција организаторите и учесниците на фестивалот Green&Blue, кој се совпаѓа со Светскиот ден на животната средина, повикувајќи ги да ја препознаат заедничката одговорност за преземање конкретни активности за заштита на планета.
Со настаните што ќе се одржат на 5 јуни во Рим и од 6 до 8 јуни во Милано, на фестивалот учествуваат италијански и меѓународни претставници кои се обединети во нивната посветеност за итна борба против климатските промени.
За време на аудиенцијата, папата Фрањо ги охрабри за нивното залагање за заштита на животната средина. Тој, исто така, го привлече вниманието на сè поалармантните природни катастрофи што го пустошат светот и ја повика меѓународната заедница и сите луѓе со добра волја да придонесат за зачувување на нашиот заеднички дом.
Експертите истакнуваат дека акциите воведени во оваа деценија ќе имаат влијание илјадници години.
Одговорност пред Бога
Тоа, истакна Папата, го зголеми и нашето чувство за одговорност пред Бога, кој ни ја довери грижата за созданието, пред нашите ближни и пред идните генерации.
Иако човештвото од постиндустриската ера, потсети Папата, можеби ќе остане запаметено како едно од најнеодговорните во историјата, додаде тој, да се надеваме дека човештвото од почетокот на 21 век ќе биде запаметено по великодушното преземање на своите одговорности.
Феноменот на климатските промени, рече Светиот Отец, упорно нѐ потсетува на нашите обврски, посебно кон најсиромашните и најранливите, кои најмалку придонесуваат за оваа појава, но најмногу страдаат од неа.
Денеска, истакна Римскиот бискуп, неопходно е целата меѓународна заедница да даде приоритет на спроведувањето на колегијални, солидарни и прогресивни акции, препознавајќи ја големината, итноста и убавината на предизвикот, кој е пред нас.
Потребно е промена на курсот
Папата Фрањо призна дека ова е голем и тежок предизвик, бидејќи бара промена на курсот, одлучувачка промена на сегашниот модел на потрошувачка и производство, премногу често хранети со култура на фрлање, полна со рамнодушност.
Згора на тоа, како што наведуваат многумина во научниот свет, промената на тој модел е итна и не може повеќе да се одложува.
Папата повика на едукација за тоа како да се заштити планетата и како може да го преобрази општеството. Тој го изрази своето задоволство од различните можности и иницијативи насочени кон сериозно решавање на споменатиот предизвик, нагласувајќи ја потребата од заедничка посветеност на сите нивоа, од мали дневни избори до локалните и меѓународните политики.
Неопходно е да се забрза промената на курсот во корист на културата на грижа, рече Светиот Отец, во чиј центар е грижата за човечкото достоинство и општото добро.
Надеж за идните генерации
Папата Фрањо го заврши своето обраќање со благодарност за сѐ што прават за зачувување на животната средина.
Да не ја лишиме надежта за подобра иднина на новите генерации, рече Папата.
Националната манифестација за заштита на животната средина ќе се одржува во текот на четири дена на посебни локации. Фестивалот има за цел да ја истакне итната потреба за справување со климатските промени и да ги нагласи огромните можности што ги нуди потребната трансформација. Се очекува на програмата да учествуваат голем број истакнати гости, разговори и музички изведби за поттикнување атмосфера на соработка, инспирација и славење.
Ватикан њуз/к.мк
