Во пораката до учесниците на Генералното собрание на Папската академија за живот, папата Фрањо инсистира на потребата да се преиспита нашето разбирање за космосот, да го слушаме придонесот на науката и да ги зајакнеме глобалните институции за да одговориме на „поликризата“ со која се соочува нашиот свет.
Во понеделник, 3 март 2025 година, од римската болница Гемели, папата Фрањо испрати порака до учесниците на Генералното собрание на Папската академија за живот 2025 година, кое го потпиша на 26 февруари.
Папата ги истакна симултаните кризи или „поликриза“ (збир на различни, но навистина длабоко поврзани кризи) со кои се соочува светот, вклучувајќи војни, климатски промени, енергетски проблеми, епидемии, миграција и технолошки иновации.
Овие прашања поттикнуваат прашања за судбината на светот и како ние ја разбираме, вели тој во својата порака до учесниците на собранието, кое е покровител на меѓународната работилница на тема „Крајот на светот? Кризи, одговорности, надежи“.
Во одговорот на тоа прашање, пишува Папата, прво мораме да го преиспитаме нашето разбирање на светот и космосот, за да го надминеме нашиот „длабоко вкоренет отпор, како поединци и како општество, за промена“. Тој изрази жалење за пропуштените можности да се учи од претходните кризи, како што е пандемијата „Ковид-19“, „да се сменат совеста и социјалните практики“.
Светиот Отец инсистира и на потребата „да се избегнува стоењето во место“ и да се „слуша придонесот на научното знаење“. Во работата на Папската академија, одекнува работата на Синодата, која како еден од клучните зборови го имаше „слушањето“.
Папата Фрањо потоа го осуди „попустливоста на утилитарната и планетарната дерегулација“, за која рече дека води кон наметнување на „законот на најсилните“ – закон што „дехуманизира“.
Напротив, новите начини на гледање на светот и на еволуцијата „можат да ни дадат знаци на надеж“, кои нè поддржуваат на нашиот пат и нè инспирираат да се стремиме со енергичност за вистинскиот живот.
Овој напор, сепак, нужно се одвива во комунитарен контекст, рече Папата, посочувајќи на потребата да се најде решение за „сложената и планетарна криза“.
Во таа насока, папата Фрањо ја изрази својата загриженост за „прогресивната ирелевантност на меѓународните тела, кои се поткопани од кусогледите ставови кои се занимаваат со заштита на одредени и национални интереси“.
Човечката заедница, напротив, мора да се стреми кон „поефективни светски организации, со авторитет да го обезбедуваат општото добро на светот, искоренувањето на гладот и бедата и сигурна одбрана на основните човекови права“.
Ова, пак, може да промовира мултилатерализам кој не зависи од политичките промени или интересите на неколкумина и да поттикне „стабилна ефикасност“.
Ова, вели папата Фрањо, е широкиот контекст на активностите на Академијата, за што им се заблагодарува на членовите и довери на застапништвото на Дева Марија, Престолот на мудроста и Мајката на надежта.
Ватикан њуз/к.мк
