Папата Лав XIV ги повика верниците во целиот свет секој ден во месец октомври да молат Бројаница за мир. Тој истакна дека молитвата треба да се практикува лично, во семејството и во заедницата, за да се повика Божјиот дар на мирот.
На Генералната аудиенција во среда, папата најави дека на 11 октомври 2025 година во 18:00 часот верниците во Рим ќе се соберат на плоштадот „Свети Петар“ за заедничка молитва, како дел од Јубилејот на Маријанската духовност.
Вклучување на заедниците
Папата, исто така, ги покани вработените во Ватикан секојдневно во текот на октомври, во 19:00 часот, да молат Бројаница во базиликата „Свети Петар“.
Во своите поздрави до португалските ходочесници, папата Лав се осврна на „урнатините создадени од убиствена омраза“ и ги повика христијаните да ја пренесуваат љубовта Христова, која просветлува и воздигнува.
Бројаница за мир и историски контекст
Бројаницата за мир е дел од Јубилејот на Маријанската духовност, што ќе се одржи на 11 и 12 октомври 2025 година.
Во исто време ќе се одбележи и 63-годишнината од отворањето на Вториот ватикански собор, кој го започна папата Свети Иван XXIII на 11 октомври 1962 година.
Ватикан њуз/к.мк
