Папата Лав XIV замина од североисточниот француски град Мец, со што го заврши своето петто апостолско патување во странство.
Папата Лав XIV ја напушти Франција со лет на „Ер Франс“, враќајќи се во Рим по своето петто меѓународно апостолско патување, кое од 25 до 28 септември 2026 година го однесе во Париз, Лурд и Мец.
Неговиот авион полета од аеродромот Мец-Нанси-Лорен во понеделник, нешто по 19:30 часот по локално време, а слетувањето на аеродромот Фјумичино во Рим е предвидено нешто по 21 часот.
Се очекува Папата за време на летот да ја одржи вообичаената прес-конференција со новинарите кои патуваат во папскиот авион.
Заминувањето на Папата следеше по приватната средба со францускиот претседател Емануел Макрон во зградата на аеродромот, а потоа и по официјалната церемонија на збогување на пистата, со сите воени почести и во присуство на цивилни и верски претставници.
По почесната гарда, оркестарот ги изведе француската национална химна и папската химна, како што е вообичаено при вакви официјални церемонии.
Од миграцијата и вештачката интелигенција, преку христијанските корени на Европа и итните етички прашања поврзани со заштитата на човечкиот живот, па сè до повторените повици за молитва и работа за мир во поделениот свет, говорите, проповедите и средбите на папата Лав XIV во Франција ги ставија во центарот некои од најголемите предизвици со кои денес се соочуваат Европа, Католичката црква и француското општество.
Ватикан њуз/к.мк
