Пред апостолското патување на папата Лав XIV во Шпанија во јуни, Светиот Отец во Ватикан го прими шпанскиот премиер Педро Санчез Перез-Кастехон.
Помалку од две недели пред апостолското патување на папата Лав XIV во Шпанија, Светиот Отец во Ватикан го прими премиерот на Шпанија, Педро Санчез Перез-Кастехон.
Според соопштението од Канцеларијата за печат на Светиот Престол, по средбата со Папата, која се одржа пред Генералната аудиенција во среда наутро, 27 мај 2026 година, премиерот се сретна со државниот секретар на Ватикан, кардиналот Пјетро Паролин, и со секретарот за односи со државите и меѓународните организации, надбискупот Пол Ричард Галагер.
Во соопштението се наведува дека во разговорите во Државниот секретаријат било изразено задоволство од претстојното патување на Папата, опишано како „знак на добрите односи“ меѓу Светиот Престол и Шпанија.
Канцеларијата за печат соопшти и дека биле разгледани повеќе меѓународни прашања, меѓу кои „последиците од конфликтите низ светот, миграцијата, важноста на мултилатерализмот и почитувањето на меѓународното право, како и итната потреба од постојана посветеност во поддршка на мирот“.
Покрај тоа, страните разговарале и за „прашања од заеднички интерес, како што е потребата од поттикнување плоден дијалог меѓу локалната Црква и владините власти, како и меѓу различните делови на граѓанското општество, врз основа на меѓусебно почитување и насочен кон промовирање на општото добро“.
Ватикан њуз/к.мк
