На конклавата претходи свечено евхаристиско славење со заветна света Литургија „За избор на Папа“ (Pro Eligendo Papa), на која ќе присуствуваат кардиналите-електори.

Во попладневните часови, кардиналните електори продолжуваат во свечена процесија до Сикстинската капела, каде што ќе започне Конклавата за избор новиот Папа.

Потоа во Сикстинската капела, секој кардинал електор полага заклетва како што е пропишано во параграф 53 од Апостолската конституција Universi Dominici Gregis, при што се обврзуваат, ако изборот падне на некој од нив, верно да ја врши Петровата служба (Munus Petrinum) како Пастир на Универзалната Црква.

Тие, исто така, се обврзуваат дека ќе држат апсолутна тајност во врска со сé што е поврзано со изборот на римскиот понтиф и дека ќе се воздржат од поддршка на какви било обиди за надворешно мешање во изборите.

Во овој момент, раководителот на Папските литургиски славења прогласува екстра омнес, што значи дека сите лица кои не се дел од Конклавата мора да ја напуштат Сикстинската капела.

Остануваат само раководителот и духовникот одреден да го одржи второто размислување.

Ова размислување се фокусира на големата одговорност која ја имаат избирачите и на неопходноста од дејствување со чисти намери за доброто на Универзалната Црква, имајќи го само Бога пред нивните очи.

Откако ќе се одржи размислувањето, духовникот и раководителот на Папските литургиски славења ја напуштаат Сикстинската капела.

Кардиналите електори молат како што е пропишано во Ordo Sacrorum Rituum Conclavis и го слушаат кардиналот декан, кој прашува дали се подготвени да продолжат со гласањето и дали има какви било  потреби за појаснувања во врска со правилата и процедурите.

Сите изборни процедури се одвиваат исклучиво во Сикстинската капела во рамките на Апостолската палата на Ватикан, која останува целосно затворена до завршувањето на изборите.

Во текот на изборниот процес, кардиналите електори мора да се воздржуваат од испраќање писма или разговори, вклучително и телефонски повици, освен во случаи на екстремна итност.

Не им е дозволено да испраќаат или примаат било какви пораки, да добиваат весници или списанија од каква било природа, ниту да следат радио или телевизиски преноси.

Колку гласови се потребни за да се избере Папа?

За валидно да се избере нов Папа, потребно е двотретинско мнозинство од присутните електори.

Доколку вкупниот број на избирачи не е делив со три, потребно е дополнителен глас.

Доколку гласањето започне попладнето на првиот ден, ќе има само едно гласање. Во следните денови, се одржуваат две гласања наутро и две попладне.

По пребројувањето на гласовите, сите гласачки ливчиња се палат. Ако гласањето е неуспешно, од оџакот поставен над Сикстинската капела ќе се појави црн чад. Ако се избере Папа, од оџакот ќе се појави бел чад.

Ако електорите не успеат да постигнат договор за кандидат по три дена неуспешно гласање, дозволена е пауза до еден ден за молитва, слободна дискусија меѓу гласачите и краток духовен поттик од кардиналот протоѓакон (кардинал Доминик Мамберти).

Што се случува веднаш по изборот на новиот Папа?

Откако кардиналите ќе изберат нов Папа, последниот од кардиналите ѓакони го повикува секретарот на Кардиналскиот колегиум и раководителот на Папските литургиски славења во Сикстинската капела.

Деканот на Кардиналскиот колегиум, кардинал Џовани Батиста Ре, говорејќи во име на сите електори, бара согласност од избраниот кандидат со следниве зборови: „Дали го прифаќате вашиот канонски избор за врховен понтиф?

Откако ќе добие согласност, прашува: „Со кое име сакате да ве викаат?

Службата нотар, со двајца церемонијални службеници како сведоци, ја врши раководителот на Папските литургиски славења, кој го подготвува документот за прифаќање и го запишува избраното име.

Од овој момент, новоизбраниот Папа стекнува целосна и врховна власт над универзалната Црква. Конклавата завршува веднаш во тој момент.

Кардиналите електори потоа му честитаат на новоизбраниот Папа и му ветуваат послушност, а потоа се оддава благодарност на Бога.

Потоа, кардиналот протоѓакон им го објавува на верниците изборот и името на новиот понтиф со познатата реченица: „Annuntio vobis gaudium magnum; Habemus Papam“.

Веднаш потоа, новиот Папа го дава апостолскиот благослов Urbi et Orbi од ложата на базиликата Свети Петар.

Последниот чекор што се бара е дека, по свечената инаугурација на Папата и во соодветно време, новиот Папа формално ќе ја преземе Папската базилика Свети Иван Латерански.

Ватикан њуз/к.мк