Стара фотографија од папата Лав XIV во моментов предизвикува големо внимание на социјалните мрежи. Краток видеоматеријал на Ватикан го прикажува првиот американски Папа како под свештеничката облека носи патики „Најк“, што брзо стана вирална сензација на интернет.
Документарецот на Ватиканските медиуми ги прикажува искуствата и важните моменти од неговото време во Италија, меѓу кои патувањата, средбите со неговите собраќа монаси и периодот кога бил на чело на Августинскиот ред.
Една сцена од документарецот особено го привлече вниманието на јавноста. Љубителите на патики на интернет ги идентификуваа обувките како веројатен модел „Најк Франчајз Лоу“, релативно едноставни и пристапни патики.
Фотографијата предизвика бројни реакции
Контрастот меѓу традиционалната црковна облека и модерните патики предизвика бројни реакции на платформите Инстаграм, Редит и Икс. Коментари како „Најк сега е официјално благословен“ и „Можете да го извадите момчето од Чикаго, но не можете да ги извадите патиките ‘Најк’ од момчето“ брзо се проширија на интернет.
Ова не е првпат папата Лав XIV да предизвика внимание со својот изглед. И „Вог“ и „Њујорк тајмс“ го вброија меѓу најстилските личности во 2025 година. „Њујорк тајмс“ напиша дека првиот американски Папа „засекогаш го променил имиџот на папството“.
Едно негово појавување што привлече особено внимание беше кога папата Лав XIV носеше бејзбол-капа на „Чикаго Вајт Сокс“ со бела папска облека.
к.мк
