Словото Божјо е динамично и не може да се чува во нафталин

Словото Божјо е динамично и не може да се чува во нафталин

Папата Фрањо на 11 октомври 2017 година се обрати до учесниците на еднодневната конференција по повод 25 годишнината од објавувањето на Катехизмот на Католичката Црква, а во организација на Папскиот совет за промовирање на нова евангелизација.

Светиот Отец до присутните рече дека во самата природа на Црквата е да го „чува залогот на верата“ и да продолжи по патот на Црквата, со што вистината која е присутна во проповедувањето на Исусвата Радосна вест ќе расте во полнина до свршетокот на времињата.

Со радоста која се раѓа од христијанската надеж и вооружени со „лекот на милосрдието“ пристапуваме до мажи и жени од нашето време како би им помогнале да го пронајдат неисцрпното богатство содржано во личноста на Исус Христос – рече Папата, додавајќи дека Катехизмот е важно орудие и за верниците претставува вечна наука на Црквата како би можеле да растеме, разбирајќи ја верата.

Во својот говор Светиот Отец се осврна и по прашањето за смртната казна, истакнувајќи дека тоа прашање во Катехизмот на Католичката Црква треба да се обработи на соодветен и кохерентен начин. Папата напомена дека мора јасно да се истакне дека смртната казна е нечовечка мерка која го гази човечкото достоинство без разлика за поводот. Таа по себе е спротивна на Евангелието, бидејќи подразбира намерно прекинување на човечкиот живот кој никогаш не престанува да биде свет во очите на Создателот и чиј единствен и вистински судија и гарант е Бог.

Словото Божјо не може да се чува во нафталин како стар прекривач за да се заштити од молците – рече Папата. Словото Божјо е динамично и жива реалност , кое се развива и расте, бидејќи е упатно за исполнување, кое никој не може да го запре. (…) Науката не може да се зачува, а да не и дозволиме развој, никој не може да биде врзан за толкување кое е круто и непроменливо, а при тоа да не се понижи за делувањето на Светиот Дух – рече на крајот Светиот Отец.

РВ/к.мк

Категорија: Ватикан, Вести

За авторот