Регионален форум на Каритас за заштита на деца

Регионален форум на Каритас за заштита на деца

Во периодот од 13 до 15 ноември 2018 година во Мостар се одржа Регионален форум на Каритас за заштита на деца, во организација на Каритас Босна и Херцеговина и Каритас на бискупиите Мостар-Дувно и Требиње-Мркан, со подршка на Остхилфе – фондот на бискупијата Линц.

На регионалниот форум учествуваа директори и претставници на Национални и бискуписки Каритаси од Босна и Херцеговина, Хрватска, Србија, Црна Гора и Македонија. Од страна на Македонски Каритас учество зеде директорот дон Паво Шекерија, придружуван од координаторот Спасе Спасов.

Каритас Интернационалис беше претставен од извршниот директор г-дин Јакоб Винтер, а од страна на Остхилфе – фондот на бискупијата Линц присутна беше извршната директорка г-ѓа Сигрид Шпиндлбек.

Форумот имаше за цел подигање на свеста за потребата од изработка на насоки за заштита на децата, како и да се понудат конкретни упатства, механизми и алатки, по примерот на стандардите на Каритас Интернационалис, а воедно и да се разменат искуства во мрежата на Каритасов за добри практики за заштита на децата.

к.мк

 

Категорија: Вести, Македонија

За авторот