Од 27 до 29 декември 2024 година Радио Марија го одржа овогодишниот Божиќен Маријатон. По тој повод радиото емитуваше специјална програма, во која слушателите беа запознати за почетоците на радиото, неговото послание, како и важноста на Радио Марија за Црквата и општеството во Македонија. Бројни соговорници ги искажаа своите впечатоци, мислења и искуство со радиото. Специјалната програма ја подготвија и реализираа отец Гоце Костов, Данче Ичева и Томе Васиќ.
За време на Маријатонот се собираа и средства за покривање на дел од трошоците, кои радиото ги има кон ЈП Националната радио дифузија.
Во рамки на Маријатонот во петок вечерта се молеше света Бројаница за слушателите, волонтерите и донаторите на радиото. Во сабота се одржа ден на отворени врати, при што слушателите имаа можност да ги разгледаат просториите на радиото и да поразговараат со вработените и волонтерите.
Во недела, во рамките на Маријатонот директорот на Радио Марија отец Гоце Костов служеше света Литургија во парохиската црква „Раѓање на свети Иван Крстител“ во Струмица, а во проповедта рече дека срцето на Радио Марија е Богородица – Мајката на нашиот Господ Исус Христос и Мајката на сите нас и се заблагодари на сите оние кои ја даваат поддршката на Радио Марија, на било кој начин.
Потоа следуваше дружење и разговор во парохиската сала.
к.мк
