На празникот „Успение на Пресвета Богородица, 28 август 2017 година на патронатот на Катедралната црква во Струмица, Н.В.П. монс. д-р Киро Стојанов, Скопски бискуп и Апостолски егзарх во Македонија служеше света архиерејска Литургија во сослужение на свештеници од Апостолскиот егзархат и Скопската бискупија. Светата Литургија започна со свечена процесија, а Катедралниот хор со своето пеење ја возвеличи божествената Литургија.
Во својата проповед епископот Стојанов се осврна на ликовите од Евангелието – Марта и Марија сестрите на Лазар, како и за ликот на Марија Мајката Господова.
Протоерејот ставрофор Георги Трајков, катедрален парох се заблагодари на Н.В.П. монс. д- р Киро Стојанов за неговото присуство и духовно слово, ги поздрави деканот на Апостолскиот егзархат, о. д-р Зоран И. Стојанов и деканот на Скопска бискупија дон Давор Топиќ, присутните свештеници, како и сите оние кои дадоа свој допринос во организацијата на патрониот празник.
На крајот од свеченоста во црквата најпрво беа благословени лебовите и пченицата, а потоа во дворот епископот Стојанов го благослови агапето подготвено од црковниот одбор, кое веднаш потоа се делеше на верниот народ.
к.мк
