Во рамки на 11 Иницијатива во Великиот пост „24 часа за Господа“, која се одржува под мотото „Да се оди во новоста на животот“, Папата во петок на 8 март ќе предводи покајничко славење на кое ќе исповеда неколку верници.
„24 часа за Господа“, иницијатива во Великиот пост на молитва и помирување која се одржува на барање на папата Фрањо, која секоја година се слави во епархиите ширум светот во пресрет на четвртата недела од Великиот пост, годинава ќе се одржи по единаесетти пат. Мотото што го избра Папата за овогодинешната иницијатива, која ќе се одржи од петок 8 до сабота 9 март, е преземено од Шестото поглавје од Посланието до Римјаните: „Одење во новоста на животот“. Во рамките на подготовките за празникот Велигден, се предлага црковните заедници во петок навечер и во сабота во текот на денот вонредно да ги отворат вратите на своите цркви, за да можат верниците во секое време да застанат на обожавање и да одат на исповед. Отворените врати на црквите се симбол на Божјата милосрдна љубов.
Иницијативата оваа година се одржува како дел од Годината на молитвата и ќе биде можност да се доживее молитвата за прошка. Од минатата година, за што посилно да го одбележи своето присуство во парохиските заедници, Папата Фрањо предводи славење во една од парохиите на градот Рим. Годинава богослужбата со Папата ќе се одржи во петок, 8 март 2024 година во 16.30 часот во парохијата Свети Пио V. Во текот на славењето, сите верници ќе имаат можност да пристапат на Светата Тајна Помирување. Папата Фрањо лично ќе исповеда неколку покајници.
Како подготовка за овогодинешната иницијатива „24 часа за Господ“, Дикастеријата за евангелизација издаде пасторален прирачник кој содржи материјал за лична молитва и предлози за славење во заедницата. Предлогот беше повторен до епархиите и парохиите, во Италија и во светот, да го прослават овој молитвен собир и во нивната заедница. Прирачникот може да се преземе бесплатно од веб-страницата на Дикастеријата на италијански, англиски, шпански, португалски, полски и француски јазик.
Ватикан њуз/к.мк
