Папата ја прими претседателката на фондацијата „Имар Садр“

Папата ја прими претседателката на фондацијата „Имар Садр“

Во петок 15 февруари 2019 година папата Фрањо во Ватикан во приватна посета ја прими претседателката на либанската фондација „Имам Садр,“ Рабаб ал-Садр.

Фондацијата со седиште во Тир, наречена според шиитскиот духовник Муса ал-Садр (1938-1978), се ангажира на социјално, здравствено и образовно поле. Канцеларијата за печат при Светиот Престол не наведе детали од средбата, објави Ватикан њуз.

Во позадина на средбата е заедничката изјава која на 4 февруари 2019 година во Абу Даби ја потпишаа папата Фрањо и големиот имам на каирскиот универзитет Ал Азхар, Ахмад ал Тајеб. Во документот „Човечко братство“ Католичката црква и најголемиот авторитет на сунитскиот ислам повикуваат на заземање за мир, дијалог и човекови права, како и за образовни и здравствени мерки, посебно за сиромашните. На патувањето во Мароко, кон крајот на март, Папата во Рабат ќе посети исламски институт и центар на Каритас.

к.мк

Категорија: Ватикан, Вести

За авторот