За време на Генералната аудиенција, папата Фрањо се помоли за либанскиот народ, кој пред две години доживеа разорна експлозија во пристаништето на главниот град.
„Семејствата на жртвите на тој катастрофален настан и саканиот либански народ се во моите мисли: се молам сите да најдат утеха во верата и да се утешат со правдата и вистината, кои никогаш не можат да се сокријат“, рече Папата во среда, 3 август 2022 година, за време на Генералната аудиенција.
„Се надевам дека Либан, со помош на меѓународната заедница, – додаде Папата – ќе продолжи да чекори по патот на „преродбата“ и ќе остане верен на сопствениот повик да биде земја на мирот и плурализмот, каде што заедниците од различни религии можат да живеат во братство“.
Во силна експлозија во пристаништето Бејрут на 4 август 2020 година, загинаа повеќе од 215 луѓе, а илјадници беа повредени. Во експлозијата се оштетени и згради, вклучувајќи цркви и манастири.
Само неколку дена пред втората годишнина од експлозијата, дел од силос за жито оштетен од експлозија на пристаниште се урна во 2020 година. Според официјалните лица, пожарот е резултат на летната жештина, од што се запалија ферментираните зрна.
Мир во Украина и светот
Папата повика и на мир во остатокот од светот, посебно во Украина. Обраќајќи им се на полските поклоници, Светиот Отец рече: „Знам дека во август многумина од вас одат на ходочастие во Јасна Гора и другите маријански светилишта. Ве молам да ги прикажете напорите на вашето поклонение за Црквата, за мир во светот, посебно во Украина“.
Ватикан њуз/к.мк
