Папата Фрањо: Да се вратиме на изворот на милосрдието

Папата Фрањо: Да се вратиме на изворот на милосрдието

Деведесет години по првото објавување на милосрдниот Исус на сестра Фаустина Ковалска, Папата испрати порака до бискупот на Плоцк, во која ги повика верниците да се вратат на изворот на милосрдието за да бидат способни за трпеливост, простување и љубов.

Пренесувајте му го на светот огнот на милосрдниот Исус. За сите луѓе бидете знак на неговото присуство меѓу вас – важна задача, која папата Фрањо ја даде по повод 90-годишнината од Исусовото објавување на Света Фаустина Ковалска, апостол на божественото милосрдие, која во манастирот на монашката заедница на сестрите на Пресвета Богородица од милосрдието во Плоцк, Полска. доби од Господ задача да направи икона со натпис „Исусе, ти се доверуваме“. Задачата која папата Фрањо ја даде денес е одраз на силната порака за посебниот дар на просветлувањето, како што рече Иван Павле II. на 18 април 1993 година за време на светата Литургија за беатификацијата на таа монахиња, која преобрати верници од сите краишта на светот.

Во писмото упатено до бискупот, монсињор Пјотр Либери, папата Фрањо се соединува во молитва со полските верници, споделувајќи ја радоста на Црквата во Плоцк. Тој исто така потсети на зборовите од дневникот на сестра Фаустина: „Човештвото нема да познава мир сè додека не се врати на изворот на моето милосрдие“. Затоа повикот на Папата е многу јасен. Да се вратиме на тој извор. Да го молиме Христос за дарот на милосрдието. Нека не прегрне и проникне во нас. Да имаме храброст да се вратиме кај Исус, да го сретнеме во Светите Тајни на неговата љубов и милосрдие. Да ја почувствуваме неговата близина и нежност; тогаш и ние ќе бидеме поспособни за милосрдие, трпеливост, простување и љубов – истакна Папата.

Во пораката Папата Фрањо потсетува и на зборовите на свети Иван Павле II  кои ги кажа за време на светата Литургија при посветата на светилиштето на Божјото милосрдие во Краков на 17 август 2002 година. Огнот на милосрдието треба да се пренесе на светот. Во Божјото милосрдие  светот ќе најде мир, а човекот среќа. Станува збор за посебниот предизвик за Црквата во Плоцк, обележана со оваа објава; за Конгрегацијата на сестрите на нашата Богородица на милосрдието, за градот и за секој од вас  Предизвикот е во знакот на огнот на Исусовата љубов.

Ватикан њуз/к.мк

Категорија: Ватикан, Вести

За авторот