Папата пристигна во Мароко

Папата пристигна во Мароко

Во сабота 30 март 2019 година папата Фрањо кратко по 14.00 часот допатува во Рабат, главниот град на Мароко, дестинација за дводневната посета на Папата.

На меѓународниот аеродром во Рабат – Сале Папата го пречека силен дожд, така што од авионот излезе со чадор. На аеродромот Светиот Отец го пречека кралот на Мароко, Мухамед VI и две деца во традиционална носија, кои на Светиот Отец му предадоа букет цвеќе. После тоа во придружба на кралот Папата го поздрави бискупот на Рабат, монс. Кристобал Лопез Ромеро, а потоа се упати во Салон Ројал, каде му беа понудени урми и бадемово млеко во знак на гостопримство и добредојде. Потоа со автомобил Папата замина до Еспеланде де ла Тоур Хасан, каде се одржа свеченоста за добредојде во Мароко. Кралот и Папата патуваа во два одвоени автомобила, Светиот Отец во папамобил, а Мухамед VI во лимузина.

Папата беше пречекан со воодушевување како од христијаните, така и од муслиманите. Низ градот Рабат, покрај знамињата на Мароко и Ватикан има и плакати со слики на папата Фрањо. Хриситјаните и муслиманите мора да се почитуваат со своите различности и во неволјите да си помагаат едни на други – истакна папата Фрањо пред заминувањето на своето 28. Апостолско патување.

 Католичката заедница во Мароко брои околу 25.0000 верници и тоа претежно странци, кои тука живеат, работат или престојуваат во оваа земја поради дипломатски причини, но постои и жива, но малобројна автохтона заедница, која е многу активна во делењето на хуманитарна помош, не само на домашните во потреба, туку и на бегалците.

Првиот ден од посетата на Папата е предвиден за средба со претставниците на властите, граѓанското општество и членовите на дипломатскиот кор, имамите и мигрантите.

Ватикан њуз/к.мк

Категорија: Ватикан, Вести

За авторот