По молитвата Ангел Господов на празникот Вознесение на Пресвета Богородица, 15 август 2025 година, папата Лав размислуваше за улогата на Марија во давањето надеж на луѓето низ вековите и ги повика сите да не ја изгубат надежта во услови на насилство.
По молитвата Ангел Господов во Кастел Гандолфо, папата Лав на празникот Вознесение на Пресвета Богородица својата молитва за мир ја довери на нејзиното застапништво. Тој истакна дека Марија „страда за злата што ги мачат нејзините деца, особено малите и слабите“. Низ вековите, објасни Папата, таа ја откривала својата близина со оние на кои им е потребна помош преку пораки и јавувања.
Свежо по трагедијата на најкрвавата војна што светот некогаш ја видел – Втората светска војна – папата Пиј XII во 1950 година ја прогласи догмата за Вознесение на Пресвета Богородица.
Тој напиша: „Постои причина да се надеваме дека сите што размислуваат за славниот пример на Марија ќе бидат сè повеќе убедени во вредноста на човечкиот живот.“ Папата Пиј се надева дека светот никогаш повеќе нема да ја види „каспаницата на човечкиот живот преку војна“.
Папата Лав нагласи дека зборовите на неговиот претходник остануваат релевантни и денес. „За жал се чувствуваме немоќни пред растечкото ширење на насилството во светот – насилство кое е сè повеќе глуво и бесчувствително кон секој импулс на човештвото.“
Но, нагласи Папата, не смееме да ја изгубиме надежта. Тој повтори дека Бог е поголем од човечкиот грев и од секое насилство со кое се соочуваме. „Не смееме да се помириме со доминацијата на конфликтот и оружјето“ затоа што со Марија знаеме дека Бог продолжува да ни помага. Папата Лав истакна дека само преку Божјата милост „можеме повторно да го откриеме патот на мирот“.
Ватикан њуз/к.мк
