Папата Лав XIV именува четворица нови помошни епископи за Римската бискупија: Стефано Спарапани, Алесандро Зеноби, Андреа Карлевале и Марко Валенти. Сите четворица досега служеле како парохиски свештеници во Рим.
Отец Стефано Спарапани е роден во Рим на 24 јули 1956 година. Студирал филозофија на Папскиот Латерански универзитет во Рим, а потоа завршил магистерски студии по морална теологија. За свештеник на Римската бискупија бил ракоположен на 4 октомври 1991 година. Служел како помошник парохиски свештеник (1991–1995) и парохиски свештеник (1995–2010) во Корвијале. Од 2010 година е парохиски свештеник во Сан Базилио. Од 2015 година е духовен отец во Алмо Колеџо Капраника, а од 2025 година е бискупски викар за северниот сектор на градот.
Отец Алесандро Зеноби е роден во Рим на 10 ноември 1969 година. Се школувал во Папската римска голема семинарија и за свештеник на Римската бискупија бил ракоположен на 28 април 1996 година. Бил помошник парохиски свештеник (1996–2008) и парохиски свештеник (2008–2017) во Сан Поликарпо. Од 2017 година е парохиски свештеник во Санта Луција, а од 2025 година е бискупски викар за западниот сектор на градот.
Отец Андреа Карлевале е роден во Рим на 8 април 1971 година. Посетувал Папска голема римска семинарија и за свештеник на Римската бискупија бил ракоположен на 3 мај 1998 година. Бил помошник парохиски свештеник во Санта Гала ала Гарбатела (1998–2003), потоа во Сант’Иренео а Ченточеле (2003–2009). Потоа служел како соработник во Папската голема римска семинарија (2009–2015). Од 2015 до 2025 година бил парохиски свештеник во Санта Марија ди Лорето а Кастелверде-Лунгеца, каде што во тој период бил избран и за префект на свештениците во својата префектура. Од 2025 година е парохиски свештеник во Сан Џовани Батиста де Роси, во областа Апио-Латино.
Отец Марко Валенти е роден на 28 февруари 1961 година во Канталупо ин Сабина, северно од Рим. Посетувал Папска мала и Папска голема римска семинарија, а потоа студирал филозофија и теологија во Рим. Подоцна дипломирал историја на уметност на Факултетот за книжевност при универзитетот „Ла Сапиенца“ во Рим. За свештеник на Римската епархија бил ракоположен на 26 април 1986 година. Служел како помошник парохиски свештеник во Санта Марија Горети (1986–1989), во Санта Марија Мадалена де Паци (1990–1994) и во Гран Мадре ди Дио (1994–1996). Потоа бил парохиски свештеник во Сан Џузепе Артиџано (1996–2010) и во Сан Сатурнино (2010–2024). Од 2024 година е парохиски свештеник во парохијата Преображение на нашиот Господ Исус Христос.
Ватикан њуз/к.мк
