На 18 мај 2018 година, Папата ги упати своите следбеници на Твитер на светиот пример на Блажена Дева Марија во чиј месец се наоѓаме.
„Марија ги живеела Исусовите блаженства како никој друг: таа е светица меѓу светиите. Нѐ учи на патот на светоста и нѐ придружува,“ порача Папата во твитер пораката која ја објави на 18 мај 2018 година. Надоврзувајќи се на таа мисла, Светиот Отец во апостолскиот поттик „Радувајте се и воскликнете“ напомена дека Марија е таа која се радувала во Божјото присуство, која ги зачувувала сите настани во своето срце и која дозволила меч да ѝ ја прободе душата.
Марија не дозволува да останеме на земјата после падот и од време на време нѐ прима во својата прегратка, а притоа нѐ не осудува. Разговорот со неа нѐ теши, ослободува и посветува – напиша папата Фрањо. На Марија нашата Мајка не ѝ требаат многу зборови. Не е потребно да се напрегаме за да ѝ објасниме што се случува во нашите животи. Сѐ што треба да направиме е секогаш одново да шепотиме: „Радувај се Маријо…“ (Gaudete et exsultate, 176).
РВ/к.мк
