Папата Лав XIV: „Карактеристика на многу италијански емигранти во САД беше нивната католичка вера“
Папата Лав XIV во среда 4 јуни 2025 година во аудиенција ги прими членовите на Националната италијанско-американска фондација, потсетувајќи дека „белег на многумина кои емигрирале од Италија во Соединетите Држави била нивната католичка вера“, за која рече дека ги одржала во тешки моменти.
„Карактеристика на многумина кои емигрирале од Италија во Соединетите Држави била нивната католичка вера…, која ги одржувала во тешки моменти, дури и кога пристигнувале со чувство на надеж за просперитетна иднина во нивната нова земја.“
Со овие зборови, папата Лав XIV ги потсети членовите на Националната италијанско-американска фондација, кои ги прими по повод 50-годишнината од Фондацијата пред Генералната аудиенција во среда која се одржува на плоштадот „Свети Петар“,
Срдечно поздравувајќи ги членовите на Управниот одбор на Фондацијата на англиски јазик, Светиот Отец ги пофали нивните напори.
Нивната вера ги одржа
„Како што добро знаете“, рече тој, „десетици милиони Американци гордо го спомнуваат нивното италијанско потекло, и покрај тоа што нивните предци пристигнале во Соединетите Американски Држави пред повеќе генерации.“
Папата Лав им се заблагодари за нивната работа за едукација на младите за италијанската култура и историја, како и за обезбедување стипендии и друга добротворна помош во двете земји, и како што рече, „помага да се одржи меѓусебно корисна и конкретна врска меѓу двата народа“.
Католичката вера на италијанските емигранти, рече тој, била богата со народна побожност и побожност кои продолжиле да ги практикуваат во Соединетите Држави.
„Оваа вера“, потенцираше папата Лав, „ги зајакнуваше во тешки моменти, дури и кога пристигнуваа со чувство на надеж за просперитетна иднина во нивната нова земја“.
Почитувај го своето наследство
Папата ја повика групата во овој период од Јубилејната година на надежта, да уживаат во духовното богатство на Рим, во кој се „гробовите на апостолите Петар и Павле, како и на многу светци кои ја зајакнале Црквата низ тешките периоди од историјата“.
„Во време исполнето со многу предизвици“, рече Светиот Отец, „ова нека ви го обнови чувството на надеж и доверба во иднината“.
Пред да го даде својот апостолски благослов, папата Лав XIV им вети: Ќе се молам секој од вас и вашите семејства секогаш да го негуваат богатото духовно и културно наследство што го наследиле од оние што оделе пред вас“.
Ватикан њуз/к.мк
