Папата Лав XIV ја изрази својата загриженост поради експлозијата што се случи на бензинска пумпа во реонот Пренестино-Лабикано во Рим, во утринските часови на 4 јули 2025 година.
Во петок 4 јули 2025, Светиот Отец објави порака на социјалната мрежа „X“ во која ги изрази своето сочувство и молитвена близина по повод трагичниот настан во Рим:
„Се молам за сите погодени од експлозијата на бензинската пумпа што се случи утринава во реонот Пренестино-Лабикано, во срцето на мојата бискупија. Со загриженост го следам развојот на оваа трагедија“, напиша Папата.
Експлозијата се случила утринава на бензинска пумпа лоцирана во густо населен реон во источниот дел на Рим. Според првичните информации, можна причина е технички дефект на опремата.
Како епископ на Рим, зборовите на Лав XIV ја изразуваат неговата близина со жртвите и нивните семејства во овие тешки моменти. Ова не е првпат Папата навремено да реагира на вонредни настани – од почетокот на неговиот понтификат, редовно ја изразува својата поддршка и солидарност со луѓето во тешки околности.
Вреди да се напомене дека квартот Пренестино-Лабикано е еден од погусто населените делови на источен Рим, познат по своето историско и културно наследство. Локалните власти и спасувачките служби се на терен, укажувајќи помош на настраданите.
Ватикан њуз/к.мк
