Папата Фрањо во недела 26 февруари 2017 година ќе ја посети римската парохија во Понте ди Ноне на Истокот од Римската бискупија. Во црквата Света Марија Јозефа од Срцето Исусово Папата ќе служи неделна света Литургија. Претходно ќе се сретне со деца, млади, болни, волонтери и семејства од парохијата, јавува ватиканскиот прес центар.
Станува збор за тринаесета по ред посета на папата Фрањо на римска парохија. Парохијата Света Марија Јозефа од Срцето Исусово брои 20.000 верници. Папата Иван Павле II. (1978-2005) ја посети оваа римска парохија во декември 2001 година. Парохиската црква е посветена на шпанската основателка на монашка заедница Марија Јозефа од Срцето Исусово (1842-1912), која беше прогласена за светица на 1 окотмври 2000 година од папата Иван Павле II.
РВ/к.мк
Не е дозволено преземање на оваа содржина или делови од неа за понатамошно користење во печатена, дигитална или било која друга форма на умножување без писмена дозвола од редакцијата на Католици.мк
