Канцеларијата за печат при Светиот Престол објави дека посебното собрание за Епископската конференција за панамазонскиот регион под мото „Амазонија – нови патишта за Црквата и целосна екологија“ ќе се одржи од 6 до 27 октомври 2019 година во Ватикан.
Синодата ќе ги разгледа новите облици на пасторал на подрачјата со малку свештеници, зајакнување на правата на домородното население и интензивно ангажирање со еколошките прашања. Во Рим, во понеделник 25 февруари започна подготвителниот семинар за синодата. Папата Фрањо ги прими претпладнето бразилскиот кардинал Клаудио Хумес, колумбискиот бискуп Хуан Карлос Барет и уште еден претставник од Панамазонската католичка црковна мрежа (РЕПАМ).
Меѓу осумдесетте учесници на семинарот се претседателите на епископските конференции на Бразил, Перу и Колумбија, како и други бискупи, посветени лица и стручни лица за регионот.
Подготвителниот документ за синодата беше објавен на 8 јули минатата година.
Ика/к.мк
