Надбискупот Лори: Католичките медиуми мора да градат мостови меѓу поларизираните општества
Во Соединетите Држави се одржа конференција за католички медиуми, каде надбискупот Вилијам Лори од Балтимор ги охрабри католичките новинари да црпат мотивација од изворот на молитвата за да изградат мостови преку медиумите меѓу поларизираните општества.
Стотици католички медиумски известувачи се собраа минатата недела во американскиот град Балтимор на годишната католичка медиумска конференција, која се одржа од 7 до 9 јуни 2023 година.
Новинари, уредници и управители на социјалните медиуми од различни американски бискупии и католички медиуми се обидоа да учат едни од други и да ги споделат своите искуства.
Во интервју за Vatican News, надбискупот Вилијам Лори, кој беше домаќин на овогодинешниот настан во надбискупијата Балтимор, ги сподели своите надежи и совети за католичките комуникатори.
Навестување на Христос, расвелувајќи ги нашите времиња
Надбискупот Вилијам Лори изрази поддршка за важната мисија на католичките медиуми во нашиот сè пополаризиран и самобендисан свет.
Католичката комуникација е пред сè средство за евангелизација, средство за споделување на радосната вест, средство за пренесување на вистината, добрината и убавината на Исус Христос, рече тој.
Во исто време, католичките медиумски работници имаат одговорност да известуваат за настаните од нашето време и да им помогнат на луѓето да ги читаат знаците на времето во светлината на Евангелието.
Молитвата треба да ја води нашата работа и делување
Надбискупот Лори служи и како врховен капелан на витезите од Колумбо, кои обезбедуваат финансиска поддршка за многу католички иницијативи, вклучително и различни медиумски агенции.
Надбискупот им даде совет на католичките медиумски професионалци како да ги организираат своите приоритети.
Првиот приоритет за секој од нас е прво да комуницира со Господ и постојано да молиме Господ да не исполни со Светиот Дух за да можеме да ја носиме со себе радосната вест, Христовата личност, за да свети Христовата светлина. преку нас, рече тој.
Градење мостови преку меѓусебно почитување
Градењето односи е уште еден важен фактор во работата на медиумските работници.
Тој ги повика католичките новинари да градат односи со лидерите на јавното мислење и секуларните медиуми, но призна дека интеракцијата помеѓу католичките и секуларните медиуми понекогаш може да биде предизвикувачка.
Сепак мислам дека е важно постојано да се трудиме да ги градиме тие мостови и да продолжиме да го правиме тоа дури и кога понудената љубов и почит не се возвраќаат како што треба – рече на крајот надбискупот Лори.
Ватикан њуз/к.мк
