Монс. Славко Вечерин именуван за Суботички бискуп

Монс. Славко Вечерин именуван за Суботички бискуп

Светиот Отец го прифати повлекувањето од пасторалното водство на Суботичката бискупија, кое поради исполнета канонска возраст ја поднесе бискупот монс. д-р Јанош Пензеш и го именува монс. Славко Вечерин, свештеник на Суботичката бискупија и досегашен генерален викар, соопшти Канцеларијата за печат при Светиот Престол на празникот Раѓање на Пресвета Богородица, во вторник 8 септември 2020 година.

Монс. Славко Вечерин е роден на 6 јуни 1957 година во Суботица. После основното училиште завршуваа гимназија во Суботица, и како богослов на Суботичката бискупија од 1976 до 1983 година престојува во Надбискупската богословска семинарија во Загреб, каде се запишува на Католичкиот богословски факултет.

За свештеник на Суботичката бискупија е ракоположен на 14 август 1983 година. Во првите две години од свештеничката служба е поставен за парохиски викар во парохијата „Пресвето Срце Исусово“ во Сомбор, а во летото 1985 година е именуван за управител на парохијата „Свети Павле“ во Бач. Потоа во 1991 година е преместен во Суботица, каде ја извршува службата духовник во семинаријата „Паулинум“ и архивар во Бискупскиот ординаријат.

Од 1994 до 2006 година ја врши службата секретар на Суботичката бискупија. Парохиската служба ја врши во парохијата „Свети Петар и Павле“ во Бајмок во периодот од 1998 до 2008 година, а потоа од 2011 до 2016 година е во парохијата „Марија Мајка на Црквата“ во Суботица и истовремено е ректор на богородичното светилиште Бунариќ. Од 20016 година е парох во „Возвишение на Светиот Крст“ во Сомбор.

Службата генерален викар на Суботичката бискупија ја извршува од 2005 година, а во два мандата е и консултор. Член е на литургискиот совет на Бискупската конференција на СР Југославија, а потоа и на Меѓународната бискупска конференција свети Кирил и Методиј.

Титулата насловен опат на акошмоношторската опатија „Блажена Девица Марија“ е именува на 15 февруари 2004 година, а прелат на Неговата Светост на 16 јануари 2006 година.

Ватикан њуз/к.мк

Категорија: Вести, Свет

За авторот