По молитвата Ангел Господов на 9 јули 2023 година, Папата ја изрази својата близина со Светата Земја, каде има немири и протести против реформите во правосудството и поради воздушниот напад на Џенин на Западниот Брег, во кој загинаа 12 Палестинци и еден израелски војник.
По повод Недела на морето, меѓународниот ден на молитва што Црквата го посветува на морепловците и нивните семејства, папата Фрањо ги насочи своите мисли кон оние кои работат на море, кои се принудени да бидат далеку од своите домови со недели и месеци. Откако им посака добредојде на група украински студенти, тој повторно упати апел да се замолчи оружјето во таа источноевропска земја.
На крајот Светиот Отец го најави конзисториумот за креирање на 21 нов кардинал што ќе се одржи на 30 септември. Нивното потекло ја изразува универзалноста на Црквата, која продолжува да ја навестува Божјата милосрдна љубов кон сите луѓе на земјата – рече папата Фрањо.
Ватикан њуз/к.мк
