„Капетан Лав?“: Папата преку радио врска му се обрати и го благослови пилотот што го придружуваше неговиот лет
„Задоволство и благослов е да ве сретнам“, рече папата Лав XIV. „Ви благодарам за сè. Голема чест е.“
Хуан Енрике досега сигурно немал ваква мисија во Шпанското воено воздухопловство.
На 9 јуни 2026 година, небото над Мадрид беше ведро, со бледосина широчина што се протегаше до хоризонтот, додека неговиот борбен авион прецизно го сечеше воздухот. Под него се отвораше шпанскиот пејзаж, а веднаш покрај него, стабилно и достоинствено, леташе авионот на „Иберија“ во кој папата Лав XIV патуваше од Мадрид кон Барселона.
Додека летаа над Шпанија, Светиот Отец влезе во пилотската кабина за да го поздрави екипажот. Еден од пилотите му покажал фотографии од Хуан и му објаснил дека, покрај тоа што служи како пилот во Шпанското воено воздухопловство, тој е и татко и католик —свесен дека го придружува наследникот на свети Петар над својата татковина.
Моментот брзо станал личен.
Папата Лав XIV, видливо радосен, мавнал кон авионот на Хуан. Од својот борбен авион, Хуан фотографирал кадар од папскиот авион и неговиот екипаж. Потоа, преку радиоврската, Папата го зел микрофонот и директно му се обратил.
„Задоволство и благослов е да ве сретнам“, рече папата Лав. „Ви благодарам за сè. Голема чест е.“
За човек навикнат на брзина, височина и прецизност, ова било нешто сосема поинакво — момент на благодат, кој не се случил на земја, туку на небото над Шпанија.
Chpop/k.mk
