Генералната аудиенција на Папата Лав XIV во среда, 13 август 2025 година, ќе се одржи во салата „Павле VI“ поради екстремната римска жештина
Канцеларијата за печат на Светиот Престол во понеделник попладне објави дека Генералната аудиенција на Папата оваа среда ќе се одржи во салата за аудиенции „Павле VI“.
„Поради прогнозираните високи температури, Генералната аудиенција во среда, 13 август, ќе се одржи во салата ‘Павле VI’“, се вели во соопштението за медиумите. „Потоа, Светиот Отец ќе влезе во базиликата ‘Свети Петар’ за да ги поздрави верниците кои немаа можност да најдат место во салата и ќе ја следат аудиенцијата преку екрани.“
Генералната аудиенција, отворена за јавноста, ќе се пренесува и на големите LED екрани поставени на плоштадот „Свети Петар“.
Рим оваа недела е под влијание на топлотен бран. Се очекува температурите во Вечниот Град на 13 август да достигнат 38 степени Целзиусови.
Ватикан њуз/к.мк
